જવાબ આપવાની અથવા દસ્તાવેજ રજૂ કરવાની ના પાડનાર વ્યકિતને કેદની શિક્ષા કરવા કે કસ્ટડીમાં રાખવા બાબત

ફોજદારી ન્યાયાલય સમક્ષ કોઇ દસ્તાવેજ કે વસ્તુ રજૂ કરવા બોલાવેલ કોઇ સાક્ષી કે વ્યકિત તેને પૂછવામાં આવેલ તે પ્રશ્નોના જવાબ આપવાની અથવા ન્યાયાલય તેને રજુ કરવા ફરમાવે તે તેના કબ્જામાંનો કે અધિકાર હેઠળનો દસ્તાવેજ કે વસ્તુ રજૂ કરવાની ના પાડે અને એવી રીતે ના પાડવાનું કોઇ વાજબી કારણ બતાવવા તેને વાજબી તક આપ્યા પછી તેવું કારણ ન બતાવે તો તે ન્યાયાલય કારણોની લેખીત નોંધ કરીને તે વ્યકિત જુબાની આપવા અને જવાબ આપવા અથવા દસ્તાવેજ કે વસ્તુ રજૂ કરવા સંમત ન થાય ત્યાં સુધી તેને વધુમાં વધુ સાત દિવસ સુધીની સાદી કેદની સજા કરી શકશે અથવા પ્રમુખ મેજિસ્ટ્રેટ કે જજની સહીથી વોરંટ કાઢીને તેને વધુમાં વધુ સાત દિવસ સુધી ન્યાયાલયના કોઇ અધિકારીની કસ્ટડીમાં રાખી શકશે અને તે વ્યકિત ના પાડવાનું ચાલુ રાખે તો કલમ-૩૮૪ અથવા કલમ-૩૮૫ ની જોગવાઇઓ અનુસાર તેની સામે કાયૅવાહી કરી શકશે.